我哋曾經接觸唔少嘅單身男士，性格都比較內向，怕羞。多數係因求學時期少接觸異性，只專心讀書, 亦好少主動結識異性。而男仔响讀大學時期, 好多時亦主修只有男同學嘅科目。到出嚟做嘢, 又只係得同性男士，例如做IT，工程師，或技術人員等等。真係諗起都dry.....

今次故事嘅主角係一位36歲大學畢業嘅市場經理，Mr. P 。佢收入, 外表同性格都非常唔錯，只係性格有少少被動同埋怕羞，所拍拖經驗只得一次咁多! 尤其面對着心儀嘅女仔，會突然好唔自然，又會變得特別少野講。佢曾經試過參加Speed Dating活動，就因為性格太怕羞，唔會主動搵話題同女仔傾，亦唔會表現得太活潑。於是未能夠響短短幾分鐘令對方留下深刻印象。 當佢同我哋做約會諮詢嘅時候，我哋針對佢嘅需要作出專業嘅配對...... 第一個配對就是一位31歲，從事文職嘅女士Miss J, 性格比較開朗，活潑，仲好主動！佢提及自己比較鍾意文靜斯文嘅男仔。於是我哋嘗試安排佢哋見面, 雙方見面後, 都不約而同地覺得對方非常適合而且啱傾！Mr. P 約會後問我哋攞咗好多意見，就連去邊度約會，或者女仔對佢嘅評價係點，幾時表白，各種約會技巧，都好有誠意向我哋請教。而我哋亦毫不計較，不斷咁跟進佢嘅個案。 就響三個月之後，Mr.P 終於成功追到佢心目中嘅女神啦！

如果你同今次成功個案男主角一樣，性格偏向內向怕羞嘅話，不妨搵我哋傾吓，或者一對一配對，加上我哋嘅專業意見，無論你幾內向都好, 都會更容易成功！

想成為下一個成功個案？

女客人參加我哋單對單配對，會有化妝造型服務，解決客人化妝疑難，仲周不時會幫佢哋大變身！

今次我哋想介紹呢一位女客人，今年25歲，Miss A, 做文職工作。先形容下性格，佢係一個好活潑，直率，可愛嘅女仔。想搵另一半應該唔難。不過，佢亦有缺點，就係太懶去化妝打扮啦！

我哋好多時同女客人講，男仔唔需要女仔化到做大戲咁，但係最起碼感覺你係有打扮，尊重場合。第一次見到Miss A，簡直嚇咗一跳，100%素顏，戴近視眼鏡，仲要着T恤牛仔褲。今次你真係考起顧問喎！其實佢皮膚唔差，輪廓都OK，只係爭在少少打扮。佢參加咗單對單配對之後，我哋提供化妝形象工作坊俾佢參加。要賣下廣告先，我哋公司提供嘅化妝班，係一對一服務，而且由專業化妝師去處理，團隊平時主要服務大品牌嘅時裝show ，明星，或者廣告Model嘅，絕對唔係一些so called化妝師的人或者求其一個識幫自己化妝嘅同事負責。

Miss A上咗歷時三個鐘嘅化妝班，由零開始學，最後學識咗適合佢嘅化妝set頭。當然，我哋亦免費幫佢影埋造型相，令佢吸引力大增！

當我哋再次見到佢嘅時候，佢已經脫胎換骨，又再次嚇咗一跳，由路人甲造型，變成一個有回頭率嘅青春美女！ 重點來了，佢分享返神奇嘅事情發生咗，佢學識化妝之後唔夠一個月，公司突然多咗兩個追求者！佢話呢兩個男仔，以往都唔會同佢傾偈, 而家突然主動約佢，感覺非常神奇！佢回想起自己返工多咗化妝Set頭，又會着下裙，引來男仔嘅追求！ 我哋聽到梗係非常戥佢開心啦，之後亦幫佢安排咗好多配對，令佢短時間之內，由好日都唔出街又唔化妝，變成一個會打扮同約會嘅女仔。無論佢今次是否成功都好，能夠為佢帶來今次嘅轉變亦係我哋最想見到嘅！

希望現在仲係猶豫不決嘅你，立即行動參加我哋嘅配對服務，為你嚟一次身心大轉變！

想成為下個成功個案, 立即預約約會咨詢: https://form.jotform.me/91446305025450

好多時我哋收到從來未拍過拖嘅會員。佢哋性格一般唔係有咩問題，只係由細到大，都掛住讀書，出到嚟做嘢，又好少識到異性朋友，於是變咗20幾歲，甚至30歲都仲未拍過拖。

遇到呢啲情況，我哋顧問都會盡最大努力，希望可以幫到佢！

今次嘅成功個案主角，係男同女都未曾拍拖嘅！女仔20幾歲，係好典型嘅一位文職女士，每日返生活都係比較單一同枯燥，放假只係同閨蜜去下街，又實在唔會無端端識到人，女仔嘅要求唔係特別高，只係希望搵一個斯文，穩定，最少有大學程度嘅男仔。而男仔係一位年輕嘅政府公程人員，更加少接觸女性，性格亦屬於善良單純。經過我地精心挑選, 覺得佢地無論性格, 背景, 要求都好適合對方, 於是推薦佢地會面, 女仔見完男仔第一次之後已經覺得好啱，完全係佢想要搵嘅人！而且仲唔夠三個月已經成功拍拖，我哋顧問有follow佢哋嘅IG，到現在差不多一年, 見到佢哋非常頻密地放閃，仍然好甜蜜，每次見到佢哋嘅相片都覺得好感動，又可以撮合一對甜蜜嘅情侶！

想成為下一個成功個案？

立即預約咨詢，了解更多https://form.jotform.me/91446305025450

今次同大家分享係一對專業人士同開朗女士嘅組合。

C先生（40/41歲）係一名會計師，為人非常謙厚，誠實，坦白，而且客觀條件方面亦唔錯，擁有自己物業之餘，亦有高學歷，識得打扮，身高以及外表也平均。佢曾經參加過幾次speed dating但係都搵唔到心儀對象，所以決定試吓單對單配對，希望有顧問幫佢縮窄範圍，可以容易啲成功！

而今次女主角係大約33/34歲嘅女士B小姐。因為佢朋友成功響我哋單對單配對搵到對象，所以極力推介佢參加！ C先生同我哋做咨詢嘅時候，有提及過佢因為想照顧屋企人，所以就算自己有物業都選擇同屋企人一齊住，方便照顧佢哋，而星期六日就會幫佢哋買嘢，帶佢哋周圍去等等，呢一點對我哋留下極深印象，感覺呢位男士好有家庭觀念，絕對係不能錯過嘅男友/老公！而佢嘅性格方面則唔算太過好動，算係穩重嘅類型，佢哋因此擇偶要求希望我哋幫佢搵到一位比較活潑開朗嘅女仔～

就響C先生第3個配對，就遇見左女主角B小姐。

又要講下故仔，B小姐原本係拒絕同C先生見面，因為佢怕男士會太過成熟，仲有其他憂慮等等.....但研究指出，男大女七年其實係一個完美嘅數字，因為一般男士思想比女士遲熟，如果年紀太過相近，好容易產生男仔思想或行為幼稚過女仔嘅情況，而太大（超過10年）又容易有generation gap, 所以我哋一般建議男仔大女仔五至七年，就係最完美嘅組合！ 我哋經過一番唇舌，極力推薦B小姐試吓同C先生見面，最後亦如所願，成功拍拖。仲要2-3個就成功！ 其實一對情侶唔需要喜好或者性格太過相似，有時性格互補，一凹一凸，一個動，一個靜，亦都可以係完美組合。

所以，單對單配對比起speed dating嘅好處, 係可以有專人幫你地留意住適合嘅對象，再幫你地撮合見面，成功率自然會比其他方法高。 唔好猶豫，俾個機會自己，又俾個機會我哋，為你締造美好姻緣！

想成為下個成功個案, 立即預約約會咨詢: https://form.jotform.me/91446305025450

今次我哋會分享一下究竟事業成功型嘅男客人, 究竟佢哋嘅配對個案同要求係點樣嘅呢?!

響我哋單對單配對裏面，有好多男客人除咗有穩定嘅工作，亦屬於公司嘅管理階層，亦有好多專業人士。今次會同大家分享其中兩個配對個案。最後會揭曉，同高質素男士配對嘅女仔有乜嘢共通點？！

A先生係一位上市公司嘅高層，年薪大約一百萬，碩士畢業，身形高大而且能言善辯，說話技巧好。佢因為生活圈子關係，搵唔到啱嘅伴侶，而佢嘅擇偶要求係唔係好高呢？我哋覺得亦算合理。佢嘅擇偶要求係希望對方最少有學士學歷，性格隨和，斯文，但亦要比較聰明，希望對方有一定嘅見識。 年紀方面最好細五年或者以上～ 我哋幫佢配對左一位註冊護士，除咗符合以上條件，兩位亦溝通得好好，唔夠三個月，已經有佢哋拍拖嘅好消息！

另一位，事業成功型男士B先生，學士畢業，係一位商人， 年薪高有物業，40多歲，性格好，有禮。佢嘅擇偶要求係希望對方學士學歷，隨和大方，而且希望比較健談。最後，佢同一位金融界嘅女士成功配對拍拖，嗰位女士亦符合佢嘅理想對象要求。

我哋會分析下兩位女士嘅共通點，

第一：學歷都係學士或以上，學歷背景差不多，大家所經歷及眼界類同。

第二：年齡: 兩位成功配對嘅男士亦選擇左年紀細 5至7年嘅女仔。

第三：事業前景佳或專業人士，但性格謙虛，不會隨便炫耀自己的財富或學識。

第四：說話斯文，性格隨和，善解人意。

由此可見，能夠與事業成功型男士配對嘅女仔有一定嘅特質，通常是性格比較成熟，有見識，謙虛，會遷就別人嘅女仔。所以如果你心目中好希望搵到高質素事業成功型嘅男仔，自己也要提升自己，成為一個質素高嘅女仔，咁搵到心目中理想對象嘅機會就更加大了！

如果你想知道更多，可以參加我哋單對單配對，我哋嘅配對顧問會免費提供好多約會資訊俾你，等你可以提升自己，幫你脫單之餘亦可以自我增值！

立即預約約會咨詢: https://form.jotform.me/91446305025450

有好多女士會擔心，過咗某一個年紀 就好難可以成功出pool。無可否認，女士年紀越大，複雜程度會越高。不過，有時啲嘢又唔係冇可能，未試過又點知自己會唔會成功呢？

今次嘅女主角係37歲的R小姐，佢係一位響醫院做嘅文職行政人員，行為舉止優雅，碩士畢業，外表保養得唔錯，佢分享返其實已經冇拍拖三四年，屋企人覺得佢應該認真對待自己嘅感情事，所以佢亦好認真嚟搵我哋，而佢擇偶要求非常合理，只係希望對方有穩定職業同埋品性良好。佢分享自己係一個好有規律，好穩定好有條理嘅人，只渴望一段平淡安穩嘅愛情，希望對方同佢溝通到，亦可以係一個靈魂伴侶，而生育問題都好隨緣嘅！

根據經驗，超過35歲嘅女士，已經好了解自己，亦好清楚自己需要乜嘢，清晰嘅指示令我哋配對工作會更加容易。

R小姐嘅第三位配對，係一位做生意嘅B先生，45歲，碩士畢業，雖然曾經結婚，但R小姐思想好開明，一啲都唔介意，反而佢覺得B先生同佢一樣係一個好有規律嘅人，而且學歷背景相似，同樣希望求穩定關係。經過我哋安排見面後，佢哋差不多約會左半年，不斷觀察對方，最後大家都走在一起，正式拍拖啦！

好多人會疑惑到咗某一個年紀，就好難搵對象。其實我哋建議去到某個年紀，應該寧缺莫濫，認真選擇對象認識和見面，唔好倚賴一d唔安全嘅途徑如交友app。分分鐘嘥咗時間仲遇上網上騙子！因為年紀大咗，最化不起就係時間同青春嘞.....如果真心想認識對象，不妨搵返我哋誠實可靠嘅配對服務，幫你推介認真對象，成效可能會更高！

想成為下個成功個案, 立即預約約會咨詢: https://form.jotform.me/91446305025450

根據統計，香港離婚率有向上嘅趨勢，而我哋間中亦有離婚會員參加單對單配對服務。

離婚人士，究竟配對嘅時候有乜嘢要注意？我哋都希望可以更加仔細地了解會員性格，亦要了解佢哋當初離婚嘅原因。而離婚人士通常亦不抗拒與離婚的會員配對，一來更容易溝通，二來大家曾經經歷過婚姻，之後應該會更理智地對待感情，未必會盲目地希望再婚，想法可能比較相同。

今次嘅男主角Mr. P, 係一位小型企業嘅主管，年薪過百萬，談吐非常有禮貌而且身形高大，而且思想比較傳統，年齡大約38至42歲。婚後發覺一齊住之後, 出現好多相處上問題，例如前妻有少許強迫症，對二人生活很多不滿等等。最後無法容忍導致離婚。而個案中嘅女主角Miss A, 係一名大概32至34歲嘅小學老師。佢屬於嬌小型女士，外表溫柔，興趣多多，感覺外向，但無奈，佢因為前夫有第三者而離婚，經歷咗差不多兩年嘅冷靜同平復情傷，終於重新出發！佢表示自己有追求者，但係冇信心接受，反而希望搵返都係離過婚嘅另一半，對方會唔介意自己嘅婚姻背景。 佢哋第一次約會之前， Miss A小學老師非常緊張，因為差不多六七年冇試過同男仔單獨約會啦！我哋俾咗好多意見佢，無論係衣着，約會技巧，定約會嘅心態, 都有比仔細的意見~ 好不容易等佢哋約會完畢，我哋即時跟進，結果亦收到好消息，佢哋第一次見面竟然用咗長達三個鐘食晚飯，兩位都表示非常好傾！ 之後我哋再等佢哋自由發展，但兩位都表示唔想再見其他新會員嘞!

兩三個月之後，佢哋終於有好消息話俾我哋聽，終於拍拖嘞！！

其實離婚並不可怕，只要勇敢爭取，任何時候都可以再有愛情嘅來臨！只要已平復情緒，調整好心態，準備重新出發，就可以隨時搵我哋幫手，幫你搵另一半行埋人生下半場啦！