成功故事
成功個案眾多,不能盡錄!!歡迎把你們的成功故事電郵至question@214dating.com謝謝婚享!
06 Apr, 2021
214 Dating Story
高質素女會員配對個案

幾個月前,有一位我哋形容為仙氣女神嘅女會員Miss L 來參加,佢學士畢業,響四大會計師樓工作,連約25至28歲。身型中等。佢樣貌唔係典型眼大大那種,而係五官看上去有氣質, 令人感覺自然舒服,而且笑容好甜美,容易令人想望多幾眼,印象深刻那種。性格方面,非常隨和,活潑,說話得體。簡直係將男仔最想要嘅女朋友特質集於一身!

咁好嘅女仔,當然好多男會員想見佢啦,響佢千挑萬選,最後揀咗三個男仔見面。佢亦表示想快少少見完男仔,希望早日可以早啲脫單!

響呢個時候,應該會有人問點解咁好嘅女仔會冇拖拍?因為佢嘅工作係好忙碌,放假亦希望留響屋企休息,都唔想太多應酬,亦唔喜歡玩交友app。單身左一年,雖然間中有追求者,但係覺得性格唔係太夾,於是搵我哋幫手,希望可以有多一個渠道認識男仔!

佢希望見嗰三個男仔,全部都同意意見佢,而且仲出現經典場面,幾個男仔不約而同問我哋最快可以幾時見到嗰個女仔! 可惜,女仔咁啱最快只可以平日Lunch Hour見面。最後,男仔竟然提出可以請假同佢約會!另一位,竟然願意Lunch Hour 誇區去見她!可想而知,嗰幾位男會員真係好重視呢次約會。 嗰兩個星期,我哋好忙碌地幫佢安排同跟進約會,之後三個男會員見完佢之後,亦表示會向佢展開追求!可想而知, 係幾咁好嘅女仔呢! Miss L 最後亦跟其中一位男會員積極了解同發展中, 已經差不多成功嘞!

假如你覺得單對單配對未必會有理想嘅女仔參加,或者,如果你係女仔,覺得自己太後生又有追求者,唔需要參加,事實上並非如你所想,其實好多高質素嘅男仔都會用呢個服務結識異性。如果你自問性格不錯,外表中等或以上的話,只要你願意踏出第一步,響我哋呢度,有唔同類型的高質素男士選擇。一般來說,二至四個配對內已經可以成功, 想脫單, 並沒你想像中難!heart

 

想成為下個成功個案, 立即預約約會咨詢: https://form.jotform.me/91446305025450

20 Apr, 2021
214 Dating Story
事業成功型男士配對個案

今次我哋會分享一下究竟事業成功型嘅男客人, 究竟佢哋嘅配對個案同要求係點樣嘅呢?!

響我哋單對單配對裏面,有好多男客人除咗有穩定嘅工作,亦屬於公司嘅管理階層,亦有好多專業人士。今次會同大家分享其中兩個配對個案。最後會揭曉,同高質素男士配對嘅女仔有乜嘢共通點?!

A先生係一位上市公司嘅高層,年薪大約一百萬,碩士畢業,身形高大而且能言善辯,說話技巧好。佢因為生活圈子關係,搵唔到啱嘅伴侶,而佢嘅擇偶要求係唔係好高呢?我哋覺得亦算合理。佢嘅擇偶要求係希望對方最少有學士學歷,性格隨和,斯文,但亦要比較聰明,希望對方有一定嘅見識。 年紀方面最好細五年或者以上~ 我哋幫佢配對左一位註冊護士,除咗符合以上條件,兩位亦溝通得好好,唔夠三個月,已經有佢哋拍拖嘅好消息!

另一位,事業成功型男士B先生,學士畢業,係一位商人, 年薪高有物業,40多歲,性格十分好,而且有禮。佢嘅擇偶要求係希望對方學士學歷,隨和大方,而且希望比較健談。最後,佢同一位金融界嘅女士成功配對拍拖,嗰位女士亦符合佢嘅理想對象要求。

我哋會分析下兩位女士嘅共通點,第一:兩位嘅學歷都係學士或以上,學歷背景差不多,同對方亦比較容易溝通。第二,年齡,兩位成功配對嘅男士亦選擇左細佢大概五至六年嘅女仔,溝通相處上會比較容易同埋合適。第三,兩位女士亦屬專業人士,但性格非常謙虛,不會炫耀自己的財富或學識。第四,兩位也是性格隨和,善解人意嘅女士。 由此可見,能夠遇到事業成功嘅男士嘅女仔有一定嘅特質,通常是性格比較成熟,有見識,但係亦謙虛,會遷就別人嘅女仔。所以如果你心目中好希望搵到高質素事業成功型嘅男仔,自己也要提升自己,成為一個質素高嘅女仔,咁搵到心目中理想對象嘅機會就更加大了!

如果你想知道更多,可以參加我哋單對單配對,我哋嘅配對顧問會免費提供好多約會資訊俾你,等你可以提升自己,幫你脫單之餘亦可以自我增值!

立即預約約會咨詢: https://form.jotform.me/91446305025450

02 Apr, 2021
214 Dating Story
離婚會員重踏愛情路

根據統計,香港離婚率有向上嘅趨勢,而我哋間中亦有離婚會員參加單對單配對服務。

離婚人士,究竟配對嘅時候有乜嘢要注意?我哋都希望可以更加仔細地了解會員性格,亦要了解佢哋當初離婚嘅原因。而離婚人士通常亦不抗拒與離婚的會員配對,一來更容易溝通,二來大家曾經經歷過婚姻,之後應該會更理智地對待感情,未必會盲目地希望再婚,想法可能比較相同。

今次嘅男主角Mr. P, 係一位小型企業嘅主管,年薪過百萬,談吐非常有禮貌而且身形高大,而且思想比較傳統,年齡大約38至42歲。婚後發覺一齊住之後, 出現好多相處上問題,例如前妻有少許強迫症,對二人生活很多不滿等等。最後無法容忍導致離婚。而個案中嘅女主角Miss A, 係一名大概32至34歲嘅小學老師。佢屬於嬌小型女士,外表溫柔,興趣多多,感覺外向,但無奈,佢因為前夫有第三者而離婚,經歷咗差不多兩年嘅冷靜同平復情傷,終於重新出發!佢表示自己有追求者,但係冇信心接受,反而希望搵返都係離過婚嘅另一半,對方會唔介意自己嘅婚姻背景。 佢哋第一次約會之前, Miss A小學老師非常緊張,因為差不多六七年冇試過同男仔單獨約會啦!我哋俾咗好多意見佢,無論係衣着,約會技巧,定約會嘅心態, 都有比仔細的意見~ 好不容易等佢哋約會完畢,我哋即時跟進,結果亦收到好消息,佢哋第一次見面竟然用咗長達三個鐘食晚飯,兩位都表示非常好傾! 之後我哋再等佢哋自由發展,但兩位都表示唔想再見其他新會員嘞!

兩三個月之後,佢哋終於有好消息話俾我哋聽,終於拍拖嘞!!

其實離婚並不可怕,只要勇敢爭取,任何時候都可以再有愛情嘅來臨!只要已平復情緒,調整好心態,準備重新出發,就可以隨時搵我哋幫手,幫你搵另一半行埋人生下半場啦!

29 Jan, 2021
214 Dating Story
成功故事 - 疫情下都可以脫單!

經歷咗2020年嘅疫情,相信好多單身朋友都好惆悵,冇晒社交活動,連speed dating 都未必可以參加,本來有啲客人打算等疫情好返先再參加活動 ,但咁等法,真係唔係辦法!!結果意外地好多會員決定改變策略,參加單對單配對,可以減低疫情嘅風險,又可以專注認識!

今次故事嘅男主角係大約35歲嘅銷售經理Mr. R, 響一間國際企業工作。佢俾我哋嘅感覺係好隨和,而且亦係少數唔講外貌,比較注重性格嘅男士!過往經驗,呢種男士成功率會比其他人高!由於佢嘅性格唔錯,好容易溝通亦喜歡照顧人,身形算高大,結果亦唔少女會員願意同佢見面,就響佢見第三個配對嘅時候,我哋介紹咗一位32/33做銀行嘅文職女士Miss H俾佢。來諮詢嘅時候,Miss H, 俾我哋嘅感覺係一位鄰家女孩,性格會比較依賴男生,所以亦指定要求要特別高嘅男仔!可能會比到安全感佢啦!而Mr. R 喜歡照顧人又細心,絕對係佢嘅理想對象!

佢哋第一次見面後,兩個都心大心細,想發展但又唔敢。於是我哋不斷咁跟進佢哋嘅個案,但又因為疫情,令佢哋少咗機會見面,令關係有少少無法加速,所以起初都鄧佢哋好擔心......我哋分別俾咗好多意見佢哋,再加推波助瀾,結果佢哋醞釀左半年,我哋亦跟進左半年,佢哋終於正式拍拖確定關係啦!

好多單身嘅朋友因為疫情已經”蹉跎”左超過一年嘅時間! 如果唔主動出擊,希望等疫情好返之後再作打算,到時可能已經太遲啦!如果你係想組織家庭或者想生育嘅話,時間更加係你嘅大敵人!希望單身嘅朋友,好好把握機會,趁住疫情或工作冇咁忙碌,參加單身活動或者單對單配對搵返個對象啦!

順帶一提,我哋除咗配對介紹對象之外,亦會全程跟進客人之間嘅進展,^亦會無條件免費提供戀愛同約會建議heart

 

想成為下個成功個案, 立即預約約會咨詢: https://form.jotform.me/9144630502545

23 Dec, 2020
214 Dating Story
【成功案例 - 甜美女生三個月脫單成功】

我哋一向覺得性格好嘅女仔,特別容易成功拍拖,如果加上外型討好,基本上呢類型嘅女仔去到我哋公司,近乎可以保證幫佢配對成功!

今次呢位都唔例外,今次成功脫單嘅係一位公務員,佢由第一日參加到拍拖只係用咗三個月!呢位女生身型中等,樣子同笑容都算甜美,雖然唔算太年輕,介乎34-36左右,但勝在善解人意,會遷就別人,佢亦會包容男仔嘅缺點,因此絕對有好女友, 好老婆嘅感覺! 當然,其中一個成功原因,係佢嘅心態好積極,亦好相信我哋介紹俾佢嘅對象!就響佢大約四至五個嘅見面,就已經成功搵到真命天子!

而呢位幸運嘅男士,性格比較穩重,年約38-41, 外型背景經濟條件等也是合格之上。雖然佢由頭到尾都幾受女仔歡迎,但其實由佢剛開始參加,似乎唔知自己想要咩類型嘅女仔,當佢見咗幾位女士後,慢慢再同我哋溝通,最後成功幫佢配對! 所以配對顧問嘅存在係非常重要,亦係單對單配對嘅特別之處,如果你對擇偶要求好迷惘,我哋嘅服務亦可以幫到你

同時間,唔好以為每個女仔都鍾意年薪過百萬,專業人士或好高職位嘅男仔,其實中中庭庭嘅”好老公型”男士,響我哋公司亦相當受歡迎!

希望一眾單身嘅女仔,唔好覺得自己過咗某個年紀就唔敢去參加配對服務,反而要更加積極,先有機會搵到另一半架!

希望大家繼續加油, 在2021年找到你的甜蜜愛情!

 

06 Aug, 2020
214 Dating Story
[光速成功] 健談商人, 甜美笑容女生

今次呢個成功故事嘅主人翁,係一位好健談,見識多廣嘅商人。為人進取又easygoing! 我哋覺得呢位男士要用我哋單對單配對服務嚟脫單,絕對冇難度!yes

而我哋女會員想見佢嘅比率亦好高!呢位男士,大概響佢見第六個女仔嘅時候就成功脫單!由佢第一次見到呢位女會員到成功牽手,可以用光速來形容,只係用咗兩個星期! enlightened

咁點解既然呢個男仔咁好,都要去到第六個配對先成功? 因為呢個男仔都曾經慘食檸檬,約會嘅時候試過被女士拒絕溝通。正當我地好疑惑嘅時候,我哋都保持樂觀嘅態度,希望繼續介紹更加適當嘅女仔俾佢!

而最重要嘅係,呢位健談商人,非常信任我哋嘅建議,無論我哋介紹乜嘢類型嘅女仔,佢都願意作出嘗試,每次約會都全力以赴! 今次同佢成功撮合嘅女會員,笑容非常甜美,性格亦好開朗,可惜,佢亦唔係每一個男仔都想見佢,可能呢啲就係大家講嘅「眼緣」吧..... 不過,呢個女仔有一樣野係值得讚賞,就係每一次約會佢都會悉心打扮自己,化妝,着裙同高踭鞋。 聽返男仔講,佢亦因為覺得呢個女仔係佢見咁多個女仔之中,外表打扮最恰當,所以暗地對佢加好多分! 再講返佢哋嘅故事,男仔形容為一見如故, 兩個人有講不完嘅話題!正當佢猶豫不決,唔知兩個星期會唔會太快決定追呢個女仔嘅時候,我哋亦有緊密同佢分析溝通,俾咗好大嘅信心佢,叫佢放膽追呢個女仔!

最後, 故事結局當然係Happy Ending啦! heart

分析今次嘅成功個案,我哋214 Dating 嘅單對單配對,一向係着重質素,而唔會單單側重數量嘅服務形式。

簡單講,如果單純要求數量嘅話,可以選擇返Speed Dating或者Cocktail Party.

我哋單對單配對, 係講求配對到同成功率, 希望客人響短時間之內能夠精簡人選,

^ 唔浪費時間同一些低配對度的人見面、咁先係真正嘅專業! heart

另外,客人嘅信任亦好緊要,能夠作出一些嘗試,成功率就會更加高!

 

想成為下個成功個案, 立即預約約會咨詢: https://form.jotform.me/91446305025450

10 Nov, 2020
214 Dating Story
[女生應盡早規劃愛情之路]

成熟男生與年輕女士嘅組合

今次故事嘅主角,係一位年紀介乎38-41嘅會計師樓東主Mr. B, 佢成熟穏重,談吐大方,而且身型高大, 簡直是完美情人! 點解會搵唔到女朋友?原因係當初要出嚟創業,必須全程投入工作,結果忽略咗前女友,感情轉淡,未能談婚論嫁。直至近年公司完全上軌道,先可以專心出嚟尋覓對象。

而今次嘅女主角係一位比較年輕嘅小學老師Miss P, 年齡介乎28至30歲左右。呢個女仔思想比較成熟,同其他同齡嘅女仔有啲唔同,對人生好有規劃,好溫柔又獨立,亦自稱大學畢業後便開始"揾老公", 不會亂拍散拖! 所以顧問對佢印象好深刻,佢希望搵一啲思想成熟嘅男仔,可以教導到佢,思想亦比較接近,所以擇偶條件希望大超過7-10歲嘅男仔先會考慮! 而會計師東主,亦因為好想組織家庭同有下一代嘅關係,所以亦好想搵一啲比較年輕嘅女仔,亦喜歡帶領同照顧女仔嘅感覺!結果,佢哋兩位簡直係一拍即合!約會左兩個月已經成功拍拖!

所以我哋真誠勸喻一眾女士,搵對象永遠唔會嫌早,反而越早開始行動越好!214 Dating 單對單配對, 有一眾事業有成亦好有誠意組織家庭嘅男士,越早參加,你嘅選擇亦會越多!搵到好對象嘅機會亦大大增加!

唔好再猶豫,下個成功故事主角可能就係你!立即預約約會咨詢: https://form.jotform.me/91446305025450

02 Dec, 2020
214 Dating Story
[熟齡女士成功故事] 秘書及工程師

好多人會懷疑,究竟女士過咗35歲,仲有冇機會脫單?

答案係肯定,有嘅!

今次成功故事嘅主角,係一位37歲嘅女士,P小姐,佢係一位笑容甜美,為人非常隨和,而且外表其實比實際年齡年輕。佢嚟到咨詢嘅時候,配對顧問有了解過點解而家先搵我哋幫手,佢話其實早兩年, 35歲已經想搵我哋,但係一直猶豫不決,想嘗試,又唔敢,直至有朋友再勸佢快啲結婚,先下定決心搵我哋。佢亦好擔心自己年紀會唔會太大,冇辦法成功脫單。但係我哋覺得佢係一個性格好好嘅女仔,而且亦好有誠意,所以我地亦好努力幫佢找尋配對.

終於響佢第四次嘅約會,就搵到佢嘅真命天子, A先生,今年45歲,係一位註冊工程師。呢位註冊工程師事業同埋經濟基礎良好,性格温文, 只係為人有少少內向,加上身邊嘅朋友通通都已經結晒婚,好難再識新朋友。 點解佢哋咁容易成功呢?除咗性格背景等相配之外,佢哋曾經響同一個國家讀書同生活過一段時間,所以第一次見面已經有講唔完嘅話題!響我哋鼓勵之下,工程師響認識咗兩個月就展開追求,好快佢哋就拍拖啦!

我哋經常都收到36/37歲或者以上嘅女士嘅”求助”個案, 我哋相信,只要你外貌保持得好,而且性格好,善解人意嘅話,一定有機會脫單。

唔好再猶豫,假如你而家已經有搵對象呢個念頭,就應該立即行動!

立即預約約會咨詢: https://form.jotform.me/91446305025450

15 Oct, 2020
214 Dating Story
斯文才俊與甜美開朗女生(配對一次成功)

斯文才俊與甜美開朗女生(配對一次成功)

有D人會猶豫,參加婚姻配對公司,係唔係D男仔都好怕羞?或者唔識拍拖, 所以要去參加單對單介紹?

大眾一向都有誤解,其實我哋214 Dating好多男會員,大學畢業後將時間放響工作,晚晚OT,又唔想辦公室戀情,亦唔想因為識女仔有太多交際應酬,所以揀單對單,可以幫佢哋節省時間,又目標為本。

今次故事主角B先生,從事金融界。佢分享返自從大學畢業之後,響工作上一路奮鬥,基本上係冇乜拍過拖!經過咁多年,事業上已經去到一個好滿意嘅位置,年薪亦有七位數字。係時候搵返個女朋友,組織家庭啦!

而今次成功故事嘅女主角A小姐,開朗,大方又健談。從事銀行業嘅前線工作,經常接觸客戶,其他人會覺得,咁應該好容易識到男仔吖!大家又會有錯覺,其實唔係咁多人可以響工作圈子裏面認識到異性,何況嗰啲係佢客人,要保持專業呀! 佢地兩位都係對方第一位配對,因為佢哋興趣差唔多,而且從事大家相關行業,自然話題特別多,唔使三個月,已經聽到佢哋嘅好消息!雖然兩位仲有好多見面嘅quota,但係兩個人都主動申報,唔再需要為佢哋配對啦!

市面上有好多公司提供”任見”計劃, 而^^214 Dating一向注重質素,而且全部檔案都有相片睇, 務求幫客人節省時間,盡快搵到目標!特別適合工作繁忙,唔鍾意太多應酬嘅客人~

heart唔好再猶豫, 立即預約約會咨詢: https://form.jotform.me/91446305025450

The History of Speed Dating
極速約會起源
「極速約會Speed Dating」最早來自猶太人的傳統習慣;年輕的單身男女,定期在長輩的陪伴下見面,以避免族外通婚。1999年,一名美國洛杉磯的猶太教成員制定了遊戲規則後,
「Speed Dating」馬上在西海岸風靡起來,一路傳到紐約。接下來的幾年裡,這種約會方式陸續傳播到加拿大、英國等地。比起傳統的酒吧邂逅或者網路交友,Speed Dating似乎更有趣,也更安全。
假如你覺得Speed Dating...
1
"參加Speed Dating的人,質素不會好到那裡.."

以我們的經驗,參加Speed Dating的人大部份是因為工作忙碌,或生活圈子以同性居多,因此未找到合適對象,而214 Dating很多參加者亦有各種良好的客觀條件如高學歷,外觀不俗,性格良好及友善等等。

只要你願意把握機會,參加踏出第一步,緣份自然到來!

2
"質素好的都已經有
男/女朋友了..."

找尋另一半時應該抱樂觀的心態,我們認為沒有好與不好,只有適合與不適合,單身的你難道也認為自己質素不好所有單身嗎?絶對非也!

我們相信找到對的人是最重要的,只要願意爭取,一定能找到適合您的另一半!

3
"參加單身派對,很掉臉!"

身為香港人,工作繁忙是十份普遍的現象,在本身的社交圈子或工作環境未能結識到心儀異性也是 很正常的!其實,希望擴闊生活圈子並不是一件掉臉的事,反而主動為自已爭取幸福,就是勇敢與智慧的表現!

4
"我參加了多次Speed Dating,還是單身,為什麼?"

愛情有時候也需要靠點運氣,和遇見對方的Timing。

緣份來臨時,有些人參加一次已找到終生伴侶,緣份未到的話,也應抱著樂觀的心態,繼續嘗試參予,才會遇到真正的Mr./Miss Right!。