男士參加Speed Dating, 5大NG行為
男仔參加Speed Dating認識異性，有時會唔覺意踩中地雷，注意以下呢幾點，就會令你響Speed Dating 得心應手！
1. 高談闊論參加單身活動經驗
有時男士去到Speed Dating, 感到無話題時, 會好大方咁分享自己參加唔同約會公司嘅經驗，但我地建議可以淺談, 但不用表現得太"專業", 咁樣好容易令人誤會你係咪選對象"好挑剔?”, 容易令人聯想”點解參加咁多次仲係單身”,
所以男士倒不如將心思放響了解對方興趣喜好，更加容易令對方留下深刻印象！
2. 太怕羞，冇眼神接觸
多數女仔都不喜歡沒有自信, 太怕羞嘅男仔，如果說話無趣再加怕羞，例如唔敢同人眼神接觸，或講嘢太細聲，都好容易令女仔扣分！
3. 油頭垢面，衣衫不整
第一印象好重要，參加speed dating要將自己打扮得整齊係基本要求。男士如果能認真打扮，清潔整齊嘅髮型同光鮮嘅衫絕對可以加分！
4. 講嘢太多或者太少，沒有取平衡
Speed Dating裏每一組男女會有幾分鐘單獨傾偈時間，假如佔太多時間都係個人演講，分享得太多，到夠鐘嘅時候，你連女仔做邊一行都未知就真係大件事嘞！所以要取得平衡，將幾分鐘嘅時間控制到可以互動，大家都有機會分享自己基本嘅資料，例如興趣，職業，喜好等等，咁樣做就比較恰當！
5. 興趣狹窄，表現沉悶
男士一定要將說話內容豐富，分享自己比較有趣嘅喜好，再加少少幽默感。切忌講嘢太過沉悶，機械式對答，或語調沒有起伏等等，通常都會比女仔打交叉哦～
男士參加Speed dating 嘅時候記得要留意呢幾方面，絕對可以幫到你成為更受歡迎嘅男仔！
214 Dating
