約會抗疫禮儀你要知!
經過差不多一年的抗疫，相信大家對戴口罩，消毒等等有一定知識。
有冇諗過參加單身活動或者同心儀對象約會嘅時候，呢啲抗疫禮儀都會影響異性對你嘅印象？ 稍一不慎，會讓人感到冇公德心同防疫基本禮貌啊！
溫馨提示以下呢幾點，面對住心儀對象嘅時候，必定令你可以響約會中加分！
1. 隨身帶備額外口罩同信封
約會時，可以主動為對方提供口罩信封，等對方可以好好儲存口罩。又或萬一對方嘅口罩跌咗或者整爛咗，即時有口罩可以借出，一定讓他感覺到你的心細如塵，必定加分！
2. 自備口罩套，進餐前後整潔放置口罩
我哋響舉辦Speed Dating活動嘅時候，見到某部份嘅參加者，進餐前將口罩亂塞入衫袋或者褲袋，感覺猶如一件垃圾，有時仲會整唔見添！其實咁樣不單止沒有防疫嘅作用，對方看在眼裏更加覺得你唔係一個井井有條, 又不整潔的人，咁樣都會扣分㗎！
3. 進食前後，細心提醒對方消毒雙手
除咗提醒對方清潔雙手, 為對方遞上消毒濕紙巾更加雙倍加分，完全顯出你嘅細心同會照顧對方！
4. 正確佩戴口罩
相信去到呢個階段大家都識得戴口罩，但原來仲有少部份人”唔係好識”.....例如露出鼻孔，將口罩隨便拉落下巴, 經常用手摸口罩等等。呢啲細小嘅動作亦反映防疫意識不足，亦可能會扣印象分㗎！
希望以上嘅小貼士可以幫到大家，看來疫情還會持續一段時間，所以呢啲疫情期嘅禮儀亦不容忽視！希望大家可以響疫情期間依舊可以脫單，搵到你嘅心儀對象！
214 Dating
