剛回復單身應有心態
啱啱回復單身嘅你，可能仍然未Recover心靈創傷，每日以淚洗面，或者時刻去ex 的IG Facebook , 睇吓有冇復合嘅機會....。
但係人總要向前看....冷靜過後，就要有以下呢個心態, 令你更容易盡快脫單！
1. 放低過去，認為自己值得擁有更好的!
好多我哋接觸嘅單身客人，仍然沉醉對以往嘅感情，或仍有內疚或者不滿。既然已經決定分手，不如抱住正面嘅心態，尋找下一位更好的情人，積極生活，做好自己，再等待下一段戀愛嘅來臨！
2. 擴闊社交圈子
當你回復單身時，應該主動擴闊自己嘅社交圈子，例如找朋友求助，主動參加朋友間嘅社交活動，拜託朋友介紹異性等等。亦可以為自己製造機會，擴闊生活圈子，參加唔同嘅興趣班，社交活動等等。都係一個積極同幫自己轉移視線嘅好方法！
3. 自我增值
分手後，最好就係檢討一下自己是否有增值嘅地方，例如外型，性格，衣着，行為方面，務求以最佳狀態迎接下一段戀情！
4. 思想眼界要擴闊
尤其是女士，青春有限, 好應該抱比較開放嘅態度，試吓約會唔同類型嘅異性，唔好框框限死自己只能夠跟某一種男士約會，俾多啲自己一啲機會認識唔同嘅異性朋友，或者會為你帶來意想不到嘅收穫！
5. 好好享受單身嘅時光
單身有單身嘅好處，可以擁有自由，可以去一趙單獨的旅遊. 或盡情做自己喜歡的事情，不需要向另一半交代。經過一段時間的獨處，令你更了解自己，沉澱過後，更積極地迎接下一段戀情的來臨！
