17 Mar, 2021
214 Dating tips
女生做主動, 究竟work唔work?

我哋做單對單配對嘅時候,好多女會員見完男會員後有意思,但係又唔敢主動搵佢哋,經常會問我哋:究竟我做主動好唔好?我哋嘅答案係非常鼓勵女仔做主動!

雖然有說,男仔如果對女仔有興趣,一定會做主動,但係我哋接觸嘅男仔,有啲真係會比較怕羞, 被動,怕食檸檬!但係唔代表呢位男士質素唔好喎.... 所以如果女仔覺得對方適合自己,不妨作出主動出擊。

又有女仔會覺得,如果我做主動會唔會好冇面?要知道,遇到質素好, 又適合嘅男仔並唔容易,所以幸福絕對比面子重要!

其實女仔主動嘅意思,只係初步比一啲訊息佢,例如會主動關心一下,或者暗示可以再見面等等,並唔係由頭到尾都係自己追求男仔。

一段健康嘅感情關係應該要有互動,所以男女雙方互相表示,亦可以係美好愛情開始!我地亦有唔少女會員因為願意踏前一步, 最終成功拍拖什至結婚架!

如果你而家有心儀嘅對象,唔好諗太多,主動出擊,當為自己嘅幸福作一個交代吧!