12 Dec, 2020
214 Dating tips
最受歡迎單身男- 六大條件

響我哋做約會配對嘅過程,留意到某幾種男士特別受女仔歡迎!想脫單嘅你,留意自己有冇以下條件,可能你就係女仔心目中嘅男神啦!

1. 豪爽不計較:

你唔需要有車有樓,但係必須有男士基本風度同氣派,我哋唔係鼓勵男士用銀彈攻勢(例如送名貴手袋,奢華晚餐)但如果只係普通約會吃飯小數目,千祈唔好同女仔斤斤計較,過時過節亦唔好吝嗇,送下小禮物, 一定令女仔對你印象深刻,另眼相看!

2. 細心有風度:

約會嘅時候,要能夠照顧到對方嘅需要。例如記住對方嘅生活小習慣再加以照顧,而女仔鍾意食乜嘢,約會時接送等等,係好基本嘅男士風度禮儀,看似簡單,其實女仔非常重視呢啲細節!

3. 有主見:

女士最鍾意響自己揸唔定主意嘅時候,有男仔為佢揸主意或者為佢作決定,但係亦唔可以過分大男人,又要識得尊重女方。要取得平衡不容易,男士要加油呀!

4. 有上進心:

男仔千萬唔可以比女仔覺得一無是處,空閒嘅時候淨係識得打機,煲劇,瞓覺。而家嘅女仔越嚟越有上進心,更加希望男仔同自己一齊進步,所以男仔千祈唔好偷懶,一定要有人生目標,咁樣女仔先會欣賞你!

5. 健談:

健談嘅對象冇人會唔鍾意,但係亦要取得平衡,唔可以太多嘴或者以取笑女生為樂。言談之中一定要表現自己大方同正面,響唔同範疇都要識少少 ,先會得到女仔嘅仰慕!

6.思想成熟有自信:

女仔一般來講都比男仔思想成熟,所以成熟嘅男仔係好多女仔夢寐以求嘅!只要你表現出你自信,唔會婆婆媽媽,思想成熟,能夠體諒別人有同理心等,都係女仔心目中最喜歡嘅類型!

 

214 Dating