26 Jun, 2018
214 Dating tips
交友app攻防術!四個貼士教你搵真命天子

剛剛甩拖的姊妹,最近戀上玩交友apps。Tinder、Skout、Coffee Meets Bagel等等,全部裝晒。係,無錯,係好多人接觸,亦都開始約出黎見面。但交友app識親都算陌生人,始終有風險。同埋由網友升呢到男友呢,都唔係容易。醒你以下四招,幫你保護自己提防騙子。

 

1. 交換Facebook兼地氈式搜索

玩app時,如果你單身又身家清白,不妨問對方拎Facebook。睇吓佢post D咩多,多唔多朋友,有無伴侶,參考一下無妨。提提你,保障自己,暗中望吓就得,唔洗一定add做friends嘅。

2. 揀有共同朋友的對象

如果你真係想喺交友app搵拖友,建議搵一D有共同朋友嘅對象。咁樣有兩個好處。一,可以從共同朋友了解對方現實係點嘅人,咁樣真實D有保障D。二,你哋有得mutual friends,證明讀書或者工作圈子相近,會易D啱傾,一拍即合。

3. 約會揀食午餐

係apps傾得興起,下一步自然想約出嚟見面。呢個階段都有技巧,就係切記約食午餐,唔好約Happy Hour以後嘅時間。第一次見面某程度上都係試試水溫,所以約食lunch其實啱晒,又唔會犧牲咩黃金檔期,約會時間又短d。話晒第一次約會有可能貨不對辦/話不投機,見唔對路,食完飯就各行各路。仲有,天都未黑,同陌生人出街感覺上都安全d。當然,如果好啱傾係相逢恨晚類型,咪直落食埋晚飯囉。

 

4. 切勿太急進

如果想一擊即中,建議你隨心D好,唔好太急進,唔好逼得太緊,唔好期望太大。畢竟,玩app嘅人,都係志在「你尋我開心,我尋你開心」。同愛情一樣,似放風箏,識得鬆放自如,對方自然會易d有好感,繼而進一步發展。記住,唔好約得太密,太易獻身,咁就試到對方嘅動機,愈大機會搵到男友。

 

#交友apps #約會 #dating #約會貼士 #女生主動 #約會技巧 #拍拖